Menopauza është një nga periudhat e rëndësishme të jetës së një gruaje. Menopauza mund te jetë e vështirë për disa gra, pasi përjetojnë afshe, djersitje gjatë natës dhe simptoma të tjera krahas ndryshimeve fizike si shtimi në peshë etj. Kohëzgjatja e simptomave nga 3 deri në 5 vjet. Kujdesi fillon kur shfaqen simptomat, por dhe hyrja në fazën pas menopauzës mund të sjellë rreziqe shtesë shëndetësore si osteoporoza dhe sëmundjet e zemrës.
Disa studime sugjerojnë se probiotikët mund të ndihmojnë në lehtësimin e këtyre simptomave.
Afshet dhe djersitje gjatë natës
Reduktimi i prodhimit të estrogjenit gjatë menopauzës mund të ndikojë që hipotalamusi të funksionojë ndryshe, duke çuar në simptoma vazomotore duke rezultuar në një temperaturë më të lartë të trupit. Efektet e kësaj zakonisht njihen si afshe dhe djersitje gjatë natës.
Studimet sugjerojne se konsumimi i probiotikëve së bashku me suplementet si tërfili i kuq mund të ndihmojë në uljen e simptomave vazomotore.
Cilësia e gjumit dhe përmirësimi i humorit
Mendohet se zorrët dhe truri komunikojnë me njëri-tjetrin përmes sistemit nervor, imunitar dhe endokrin. Llojet e baktereve të dobishme në zorrë mund të ndikojnë edhe në gjendjen emocionale.
Ndryshimet e humorit, afshet dhe djersitjet gjatë natës janë të gjitha simptoma të menopauzës që mund të ndikojne në cilesinë e gjumit.
Shume studime kane treguar lidhje midis baktereve probiotike dhe cilësisë së gjumit për përmirësimin e humorit te femrat që përjetonin ankth dhe depresion.
Infeksionet vaginale
Vagina vepron si një pengesë për të parandaluar bakteret e dëmshme të shkaktojnë infeksion.
Para menopauzës, estrogjeni nxit kolonizimin me Lactobacille, një lloj bakteri i dobishëm në vaginë. Laktobacilet ndihmojnë në ruajtjen e një niveli të ulët pH vaginal duke zvogëluar rrezikun e infeksioneve vaginale.
Mungesa e prodhimit të estrogjenit gjatë periudhave të menopauzës dhe postmenopauzës mund të rrisë pH vaginal, duke nxitur infeksione vaginale nga Enterobacter, Escherichia coli, Candida dhe Gardnerella etj.
Mendohet se përdorimi i probiotikëve vetëm ose në kombinim me medikamente antimikrobike mund të ndihmojë në parandalimin e infeksioneve vaginale dhe simptomave që lidhen me to, të tilla si sekrecione vaginale te shtuara dhe aromë e pakëndshme.
Osteoporoza
Estrogjeni luan një rol jetik në menaxhimin e densitetit të kockave dhe ulja e estrogjenit mund të rrisë rrezikun e zhvillimit të osteoporozës. Gjithashtu mosha, gjinia e lindjeve, raca, përkatësia etnike dhe shëndeti i përgjithshëm luajnë rol. Globalisht, 1 në 3 gra mbi 50 vjeç janë në rrezik të frakturave të shkaktuara nga osteoporoza.
Ndalimi i duhanit ,marrja e suplementeve të kalciumit dhe vitaminës D mund të ndihmojë , por përmbledhjet e studimeve të vitit 2021 shtuan faktin që përfshirja e probiotikëve mund të ndihmojë në rritjen e densitetit mineral kockor në zonën lumbare tek grate pas menopauzës.
Shtim dhe humbje në peshë
Shtimi në peshë është i zakonshëm tek gratë në periudhën premenopauzë dhe menopauzë për shkak të rënies progresive të prodhimit të estrogjenit dhe funksionit të vezoreve.
Gjatë kësaj kohe, është tipike rënie e masës muskulare dhe një rishpërndarje të yndyrës së trupit, me më shumë yndyrë të grumbulluar në bark, e cila mund të rrisë rrezikun e rezistencës ndaj insulinës, dislipidemisë dhe rrezikun e sëmundjeve kardiovaskulare dhe metabolike.
Për më tepër, stresi i shkaktuar nga menopauza mund të nxisi konsumim me teper te ‘ushqimit emocional’, i cili mund të kontribuojë në shtimin e peshës.
Njerëzit me mbipeshë ose obezitet mund të jenë më të prirur te kenë inflamacion të zorrëve, rezistencë ndaj insulinës dhe akumulim të yndyrës.
Disa lloje probiotikësh mendohet se përmirësojnë shëndetin e mukozës së zorrëve duke reduktuar inflamacionin dhe rrezikun e obezitetit dhe sëmundjeve të tjera kronike.
Marrja e probiotikëve për një kohë të shkurtër (më pak se 12 javë) mund të kontribuojë në reduktim të lehtë të peshës trupore, indeksit të masës trupore dhe përqindjes së yndyrës trupore, rritjen e numrin e baktereve të dobishme
Probiotikët mund te merren edhe nga ushqime të fermentuara si kos, kefir, lakër turshi, sallate letuce dhe kombucha(lloj kerpudhe), ose suplemente probiotike. Ushqimet me probiotikë natyralë përgjithësisht tolerohen mirë kur konsumohen në sasi te moderuar. Megjithëse suplementet probiotike mund të shkaktojnë efekte anësore, efektet janë zakonisht të buta dhe priren të zgjidhen brenda disa ditësh deri në javë. Duhet filluar ngadalë me një dozë të ulët dhe te rritet doza gradualisht për uljen e rrezikut të efekteve anësore.
Rekomandime për produktet probiotike
Konsumimi i probiotikëve mund të ndihmojë në reduktimin e simptomave të menopauzës duke balancuar mikrobiomën unike të trupit tuaj të baktereve të dëmshme dhe të shëndetshme.
Bifidobacterium animalis është një lloj bakteri që gjendet natyrshëm në zorrën e trashë. Plotësimi i dietës tuaj me këtë lloj bakteri mund të zvogëlojë yndyrën e barkut, e cila është një nga faktorët kryesorë të lidhur me çrregullimet metabolike.
Lactobacillus gasseri është një lloj bakteri që gjendet natyrshëm në vaginë. Studimet tek kaviet dhane efekte në humbjen e peshës me përdorimin e Lactobacillus gasseri.
Synbiotikët, një përzierje e prebiotikëve dhe probiotikëve, mund të kenë efekt antiinflamator dhe në humbjen e peshës.
Nëse zgjidhni ushqime me probiotikë, si kos dhe kefir, sigurohuni që të përfshijnë baktere të gjalla.
Probiotikët mund të ndihmojnë në lehtësimin e simptomave të menopauzës dhe rregullimin e peshës trupore.
Nevojiten më shumë kërkime për të eksploruar dhe mbështetur përfitimet shëndetësore që lidhen me përdorimin e probiotikëve gjatë fazave të ndryshme të menopauzës.
-Dr. Oltiana Petri, Mjeke mikrobiologe.