Të gjithë e dimë se përqafimet mund të jenë ngushëlluese në kohë të vështira. Përqafimi vepron gjithashtu si një stimulues i intimitetit, veçanërisht nëse përqafoheni për një kohë të gjatë. Sipas “Psychology Today”, përqafimi për 20 sekonda mund të jetë jashtëzakonisht i dobishëm për marrëdhënien tuaj.
Jo vetëm që këto përqafime të gjata ndihmojnë në krijimin e një lidhjeje mes një çifti, por përqafimet 20 sekonda gjithashtu mund të stimulojnë prodhimin e oksitocinës, një hormon i njohur si “hormoni i dashurisë” që lidhet me ‘zgjimin’ seksual dhe lidhjen e fortë në çift.
Nëse doni të ndjeni përfitimet e një përqafimi prej 20 sekondash, por nuk keni askënd për të përqafuar, nuk ka nevojë të shqetësoheni, sepse përqafimi i një jastëku për të njëjtën kohë mund të ketë të njëjtat efekte pozitive. Leyes pretendon se ju mund të përqafoni edhe veten për të arritur të njëjtat rezultate.
Përqafimet madje mund të ulin rrahjet e zemrës dhe presionin e gjakut. Hulumtimet tregojnë se kontakti social është thelbësor për shëndetin mendor të njeriut, duke kontribuar në reduktimin e stresit dhe dhimbjes, si dhe në krijimin e lidhjeve të forta. Një studim i vitit 2021 i një kampioni prej 1500 pjesëmarrësish tregoi se privimi i kontaktit intim, nga familja dhe partnerët, shoqërohej me ndjenja të forta ankthi dhe vetmie.