Gastroenteriti viral i quajtur ndryshe ’’Stomach flu’’ është një inflamacion i zorrëve të shkaktuara nga një sërë virusesh, më së shpeshti norovirus ,rotavirus ,adenovirus ose astrovirus . Kjo sëmundje njihet edhe si gripi i stomakut.
Gastroenteriti viral mund të shkaktojë nauze dhe të vjella. Ju mund ta merrni virusin që e shkakton atë nga njerëz të tjerë ose nëpërmjet ushqimeve, pijeve ose sipërfaqeve të kontaminuara. Larja e shpeshtë e duarve mund të ndihmojë në parandalimin e tij.
Kjo sëmundje ngjitëse përhapet përmes kontaktit të ngushtë me njerëzit që kanë virusin ose përmes ushqimit ose ujit të kontaminuar.
Mund të përhapet lehtësisht në :
Cerdhe
shkollat
shtëpitë e të moshuarve
anijet turistike
Cilat jane simptomat e nje gastroenteriti viral?
Simptomat e gastroenteritit zakonisht fillojnë menjëherë pas infektimit. Për shembull, simptomat e shkaktuara nga norovirus zakonisht zhvillohen brenda 12 deri në 48 orë. Simptomat nga adenoviruset mund të fillojne 3 deri në 10 ditë pas kontaktit.
Simptomat mund të përfshijnë:
- diarre te ujshme më shumë se 3 herë në ditë
- ethe ose të dridhura
- nauze dhe të vjella
- dhimbje koke, dhimbje muskujsh ose dhimbje kyçesh
- djersitje ose lëkurë e njomë
- krampe dhe dhimbje barku
- humbje e oreksit
Diarrea e shkaktuar nga gastroenteriti viral nuk eshte me gjak.
Çfarë e shkakton gastroenteritin viral?
Gastroenteriti viral shkaktohet nga një sërë virusesh të ndryshme. Është e lehtë për këto viruse të përhapen në ambjente kolektive . Disa nga mënyrat e transmetimit të virusit përfshijnë:
- Ngrënia e ushqimit të kontaminuar ose pirja e ujit të kontaminuar.
- Duke qenë në kontakt të ngushtë me dikë që ka virusin.
- Ndarja e enëve ose sendeve të tjera me dikë që ka virusin.
- Duke prekur sipërfaqet e kontaminuara.
- Moslarja e duarve siç duhet, veçanërisht ata që trajtojnë ushqimin.
Gastroenteriti viral prek njerëzit e të gjitha moshave në të gjithë botën. Njerëzit që janë në rrezik më të lartë përfshijnë:
- Fëmijët nën 5 vjeç
- Të rriturit e moshuar, veçanërisht ata që jetojnë në shtëpi te moshuarish .
- Njerëzit me një sistem imunitar të komprometuar ose të dobësuar
- Ata që janë shpesh në ambjente kolektive, të tilla si cerdhe, kopshte, shkolla, konvikte, kujdesi ditor i te moshuarve etj.
Faktorë të tjerë që mund të rrisin rrezikun për ’’Stomach flu’’
- kequshqyerja, veçanërisht nivelet e ulëta të vitaminës A ose zinkut
- udhëtime në vendet e pazhvilluara
- përdorimi i antibiotikëve ose antacideve
Cilat janë ndërlikimet e gastroenteritit viral?
Komplikacioni kryesor i gastroenteritit viral është dehidrimi, i cili mund të jetë mjaft i rëndë tek foshnjat dhe fëmijët e vegjël. Komplikime të tjera të gastroenteritit viral përfshijnë:
dobësi ose lodhje e trupit, dobësi e muskujve etj.
Dehidratimi mund të jetë kërcënues për jetën. Kontaktoni mjekun tuaj nëse ju ose fëmija juaj keni këto simptoma:
- diarre që zgjat më shumë se disa ditë
- gjak në jashtëqitje
- konfuzion ose letargji
- nuk ka urinë për më shumë se 8 orë ose urinë që është e verdhë e errët ose kafe
- sy të thelluar
Dehidratimi që shoqëron gastroenteritin viral mund të çojë në disa komplikime të veta. Kjo perfshin:
- edemë të trurit
- koma
- shoku hipovolemik
- dëmtimi i veshkave
- konvulsione
Si diagnostikohet ’’Stomach flu’’?
Mjeku mund tiu kerkoj te beni nje analize me fece në të cilin testohet lloji i virusit që ka shkaktuar infeksionin, ose për të zbuluar që sëmundja juaj nuk është ’’Stomach flu’’ por një infeksion parazitar ose bakterial.
Si trajtohet ’’Stomach flu’’?
Fokusi kryesor i trajtimit është parandalimi i dehidrimit duke pirë shumë lëngje. Në raste të rënda, shtrimi në spital dhe lëngjet intravenoze mund të jenë të nevojshme.Antibiotikët nuk kanë asnjë efekt mbi viruset.
Konsultohuni me mjekun tuaj për simptomat si dhe përpara se të merrni ndonjë medikament pa recetë.
Dr. Esmeralda Angjeli -Mjeke Mikrobiologe