Dieta ‘Sirtfood’ është një plan diete që promovon konsumimin e ushqimeve të pasura me sirtuina për të nxitur humbjen e peshës dhe për të përmirësuar shëndetin. Dieta ‘sirtfood’ u bë e njohur falë librit Sirtfood Diet, e autorëve Aidan Goggins dhe Glen Matten. Dieta bazohet në konsumimin e disa ushqimeve që janë të pasura me sirtuina ose stimulojnë aktivitetin e tyre.
Sirtuinat janë një grup proteinash të përfshira në rregullimin e proceseve të ndryshme metabolike në trup. Ato veprojnë si enzima që modulojnë aktivizimin e gjeneve që lidhen me procese të ndryshme qelizore. Ky plan diete përfshin ushqime të tilla si çokollata e zezë, verë e kuqe, çaj jeshil, mollë, qepë, lakër, boronica, etj.
Gjithashtu, dieta nxit kufizimin e kalorive gjatë ditëve të para dhe më pas përfshin receta të ndryshme që përdorin ushqime të pasura me sirtuinë. Vaktet ‘sirtfood’ përbëhen nga ushqime që përmbajnë proteinën sirtuinë, hurma, boronica, kafe, lakër jeshile, rukolë, majdanoz, selino, mollë jeshile, soje, luleshtrydhe, çokollatë me 85% kakao dhe shafran i Indisë.Kjo dietë është projektuar për tri javë dhe ndahet në dy faza.
Faza e parë zgjat një javë dhe më pas rekomandohet të konsumohen 1000 kalori në ditë për 3 ditë të përftuara nga lëngu i gjelbër i lakrës jeshile, aragula, majdanozi, selino, mollë jeshile, limoni dhe çaji jeshil dhe një vakt ushqimi ‘sirtfood’. 4 ditët e ardhshme duhet të pini dy lëngje dhe të hani dy vakte, që është gjithsej 1500 kalori. Faza e dytë është faza e mirëmbajtjes dhe zgjat 14 ditë, gjatë së cilës hahen tre vakte ‘sirtfood’ dhe pihet një lëng. Ndër personazhet e famshëm që lidhim me këtë dietë është ylli i muzikës Adele. Së fundmi ajo ka treguar se si ka humbur me sukses mbi 45 kilogramë.