Rënia e flokëve është një problem i zakonshëm si për burrat ashtu edhe për gratë dhe shtysë për të marrë ilaçe të panumërta pa recetë, por çuditërisht ekzistojnë disa opsione efektive trajtimi. Tani një studim i ri nga shkencëtarët e Cleveland Clinic ka treguar se një trajtim që kombinon antioksidantë me përbërës që rrisin shëndetin e skalpit të kokës mund të përmirësojë ndjeshëm rënien e flokëve.
Studimi, i publikuar në International Journal of Cosmetic Science, shqyrtoi trajtimet që janë përdorur më parë në lëkurë dhe i aplikoi ato në skalpin e kokës. Ai përdori gjithashtu një teknikë të re për matjen e rënies së flokëve, një gjendje që shpesh është sfiduese për të llogaritur sasinë.
Në një studimi u përfshinë 360 pacientë meshkuj dhe femra të moshave 25 deri në 65 vjeç me probleme të rënies së flokëve. Të gjithë pacientët kishin flokë të gjatë dhe në përgjithësi ishin të shëndetshëm. Një grup pacientësh morën një shampo terapeutike me trajtim të zghatur që përmbante agjentë funksionalë antioksidues dhe përforcues të barrierave: pirokton olamine, zink pirition, karbonat zinku, niacinamid, panthenol dhe kafeinë. Grupi tjetër mori një shampo placebo.
Studiuesit matën rënien e flokëve dhe numrin total të flokëve në fillim të studimit dhe pas tetë, 16 dhe 24 javësh. Ata gjithashtu morën mostra flokësh dhe matën biomarkerët e shëndetit të flokëve dhe skalpit. Pjesëmarrësit plotësuan dhe nje pyetësorë.
Rezultate premtuese
Grupi që mori shampon e trajtimit pa një përmirësim të dukshëm. Numërimi i flokëve të bëra në javën e 24 tregoi se pacientët që i nënshtroheshin trajtimit kishin një rritje mesatare të numrit total të flokëve prej 5.68 qime për centimetër katror, krahasuar me grupin placebo, i cili nuk kishte asnjë ndryshim. Grupi i trajtimit tregoi gjithashtu një numër dukshëm më të ulët të rënies së flokëve pas gjashtë dhe tetë javësh.
Dr Piliang shpjegon se studimi u bazua në teorinë se humbja e flokëve është e lidhur ngushtë me shëndetin e skalpit të kokës. Stresi oksidativ dihet se luan një rol në dëmtimin e lëkurës që lidhet me moshën, dhe studiuesit menduan se mund të luante një rol edhe në skalpin e kokës.
“ Një skalp i shëndetshëm është një fushë më pjellore thoshte ajo. “Nëse ka inflamacion në skalpin e kokës –rritje e majave, kruajtje – teoria ishte se ndoshta të gjitha këto gjëra mund të pengojnë rritjen e flokëve dhe të kontribuojnë në rënien e tyre”.
Studiuesit përdorën metoda të vendosura për numërimin e flokëve të rëna, duke shënuar një zonë të vogël në lëkurën e skalpit dhe duke përdorur teknologjinë e imazhit për të marrë një numër total të flokëve. Ata zhvilluan gjithashtu një teknikë të re për matjen e rënies së flokëve.
Pjesëmarrësve të studimit iu kërkua të mbanin flokët të palara dhe iu tha që t’i mbanin flokët të tërhequr kapur bisht për 24 orë përpara vizitës. Më pas t’i krihnin mbi një kontenitor, ku u përdor një jastëk ngjitës për të mbledhur qimet e rëna. Studiuesit përdorën gjithashtu biomarkera për të vlerësuar shëndetin e flokëve dhe kokës.
Dr. Piliang vëren se kufizimet e studimit përfshijnë përdorimin e një popullate kryesisht të bardhë dhe vetëm matjen e rezultateve për gjashtë muaj.
Implikimet klinike
Dr. Piliang planifikon të fillojë të prezantojë opsionin e trajtimit për pacientët në klinikën e saj.
“Është një gjë të jesh pjesë e një studimi që përfshin një protokoll të regjimentuar, por është tjetër gjë të shohësh se si funksionon kjo qasje në praktikën e përditshme,” shpjegon ajo. “Hapi tjetër është që pacientë të tjerë ta përdorin atë për të parë nëse kanë të njëjtën përvojë pozitive.”