Mjedrat janë një nga frutat më të shijshme dhe më të shëndetshme që natyra ofron. Përfitimet shëndetësore të mjedrave janë të shumta, duke i bërë ato një pjesë të rëndësishme të një diete të ekuilibruar. Këto fruta të vogla, shpesh të njohura për ngjyrën e tyre të kuqe të gjallë, sjellin shumë më tepër vlera sesa thjesht ëmbëlsi. Çdo lëndë ushqyese e mjedrës është e rëndësishme në përfocimin e shëndetit. Më poshtë ju njohim me disa nga përfitimet shëndetësore të tyre:
1. Mund të ndihmojë në luftën kundër kancerit
Mjedrat përmbajnë antioksidantë që i bëjnë ato të shkëlqyera në luftimin e kancerit. Një nga antioksidantët kryesorë që ato përmbajnë është acidi ellagic, i cili gjendet me bollëk tek manaferrat.
2. Ruan shëndetin kardiovaskular
Kaliumi tek mjedra ndihmon në rregullimin e rrahjeve të zemrës dhe presionit të gjakut. Mineralet si mangani, bakri dhe hekuri në mjedra kontribuojnë në prodhimin e qelizave të kuqe të gjakut, duke mbështetur shëndetin kardiovaskular.
3. Mund të rrisë përqëndrimin dhe kujtesën
Konsumimi i mjedrave mund të ndihmojë në parandalimin e dëmtimit të trurit dhe humbjes së kujtesës që lidhet me plakjen. Antioksidantët në mjedra mund të zvogëlojnë stresin. Veçanërisht, anthocyanina punon së bashku me kuercetinën për të parandaluar humbjen e kujtesës të lidhur me moshën.
4. Mund të përmirësojë fertilitetin
Vitamina C dhe magnezi në mjedra mund të rrisin fertilitetin si te meshkujt ashtu edhe te femrat. Antioksidantët e pranishëm në mjedra mund të mbrojnë shëndetin e spermës, të ndihmojnë në konceptim dhe të ulin mundësinë e abortit.
5. Ndihmojnë indet dhe enët e gjakut
Mjedrat, të pasuruara me vitaminë C, ndihmojnë në riparimin e indeve të lëkurës dhe promovojnë rigjenerimin e qelizave të lëkurës, kockave, ligamenteve dhe enëve të gjakut.
6. Mund të ndihmojë në ruajtjen e shëndetit të syve
Antioksidantët tek mjedrat mbrojnë sytë duke mbrojtur membranat e syve që prodhojnë lëngje, duke i mbajtur sytë të lagësht. Acidi Ellagic gjithashtu kontribuon në ruajtjen e shëndetit të syve.
7. E dobishme për diabetikët
Mjedrat janë ideale për njerëzit me diabet pasi këto fruta përmbajnë reosmin, tiliroside dhe fruktozë, së bashku me një sasi të madhe fibrash dhe një indeks të ulët glicemik.