Sindroma Roemheld (RS), ose sindroma kardio-gastrike, është një kompleks simptomash gastro-kardiake ku trakti gastrointestinal (GI) nepermjet komprimimit te zemres, shkakton simptoma të ndryshme kardiake si dispnea, nauzea, djersitje, palpitacione, etj.
Çfarë i shkakton simptomat e sindromës Roemheld?
Shkaku kryesor i simptomave eshte akumulimi i tepërt i gazit në stomak dhe zorrë (aerofagia). Për më tepër, kushtet anatomike, të tilla si një hernie hiatale (ku stomaku rrëshqet përmes hapjes diafragmatike drejt ezofagut), gjithashtu kontribuojnë në zhvillimin e simptomave të lidhura me sindromën Roemheld. Vëllimi i rritur në traktin gastrointestinal ngjesh diafragmen duke zvogeluar keshtu hapesiren fiziologjike per mushkerite dhe zemren. Aftësia e zemrës për të rrahur rregullisht ulet duke shkaktuar simptoma tipike kardiake. Në mënyrë të ngjashme, mushkëritë nuk mund të zgjerohen plotësisht, duke rezultuar në vështirësi në frymëmarrje dhe dispne.
Ankthi shpesh shoqeron sindromen dhe shkaktohet nga aktivizimi i sistemit nervor autonom dhe ndjesia e dhimbjes në zonën e zemrës, duke çuar në episode akute ankthi.
Patologjitë qe nxisin sindromën Roemheld jane:
- Intoleranca ndaj laktozës 2. Funksionimi jonormal i fshikëzës së tëmthit 3. Hernia hiatale
- Sëmundjet e zorres 5. Pamundesia per te gromesire 6. Obstruksioni i zorrëve
Simptomat
Sindroma Roemheld, mund të shfaqet me nje grup shenjash klinike:
-Bradikardia sinusale (ulje e ritmit kardiak) -Veshtiresi ne frymemarrje -Shtrëngimi në gjoks -Ngërçe muskulore
-Marramendje -Palpitacionet -Ndjesi per te vjelle -Aritmia (rrahje të parregullta të zemrës) -Takikardia -Sulmet e panikut -Konfuzioni -Ankthi -Depresioni -Luhatjet e presionit të gjakut
-Sinkopi vasovagale (të fikët) -Zhurma ne vesh -Lodhja -Urth
-Afshet e nxehta
***Gjithashtu vihet re se gjumi në anën e djathtë mund të përkeqësojë simptomat.
Kush eshte ne rrezik per te zhvilluar sindromen Roemheld?
Siç e përmendëm më parë, aerofagia është një element i rëndësishëm në Sindromën Roemheld dhe ata me këtë gjendje do të jenë në një rrezik më të lartë për të zhvilluar sindromën. Aerofagia është e zakonshme tek njerëzit që:
-Hane shumë shpejt -Flasin ndërsa hanë -Jane duhanpires – Marin fryme me goje dhe jo me hunde – Ushtrohen fuqishem – Konsumojne pije me gaz – Mbajne proteza te lirshme – Personat anksioze
Në rrezik janë edhe personat me probleme të frymëmarrjes që përdorin pajisje mjekësore për të lehtësuar gjendjen e tyre si dhe personat qe vuajne nga apnea e gjumit.
Patologjitë që çojnë në dobësi të sfinkterit të sipërm të ezofagut mund të rrisin gjithashtu rrezikun për sindromën Roemheld, pasi ato lejojnë më shumë ajër të hyjë në traktin gastrointestinal. Një shembull i mirë i kësaj është lidhja që duket të jetë midis sëmundjes së refluksit gastroezofageal (GERD) dhe fibrilacionit atrial (AF). Deri në 14% e njerëzve që vuajnë nga GERD bejne episode te shpeshta AF
Mjekimi
Sindromi Roemheld mund të menaxhohet duke trajtuar simptomat e tij dhe duke kombinuar medikamentet me nje regjim ushqimor specifik per sindromen.
Ushqimet që duhen shmangur
-Pijet e gazuara: Këto mund të rrisin akumulimin e gazit në stomak dhe zorrë, duke përkeqësuar simptomat.
-Ushqimet e skuqura dhe të yndyrshme: Këto janë më të vështira për t’u tretur dhe mund të ngadalësojnë zbrazjen e stomakut, duke çuar në rritjen e prodhimit të gazit.
-Perimet: Perimet si fasulet, lakra, qepët dhe brokoli dihet se shkaktojnë gazra dhe duhen shmangur.
– Vaktet e mëdha: Ngrënia e tepërt ose konsumimi i porcioneve të mëdha mund të rrisë presionin në diafragmë, duke çuar në simptoma më të theksuara.
Ushqimet qe keshillohen
-Vaktet më të vogla dhe të shpeshta: Zgjedhja e vakteve më të vogla dhe më të shpeshta mund të ndihmojë në zvogëlimin e presionit në sistemin tuaj të tretjes dhe diafragmë, duke promovuar tretje më të butë.
-Ushqime qe treten lehte si: orizi, bananet dhe molla.
-Probiotikët: Përfshirja e probiotikëve në dietë mund të përmirësojë shëndetin e zorrëve dhe të zvogëlojë simptomat që lidhen me sindromën Roemheld. Ushqimet e fermentuara si kosi dhe kefiri janë burime energjie të probiotikëve.
Këshilla shtesë dietike
-Përtypja e plotë e ushqimit: Sigurimi që ushqimi të përtypet mirë përpara se të gëlltitet, mund të ndihmojë tretjen dhe të zvogëlojë sasinë e ajrit të gëlltitur.
-Hidratimi: Hidratimi i mire mund të ndihmojë tretjen dhe të zvogëlojë shqetësimin gastrointestinal.
-Ndiqni një dietë FODMAP. Do të ndihmojë në parandalimin e akumulimit të gazit. Dr.SH.M. Nereida Xhabija