Çmimi Nobel në Fiziologji ose Mjekësi për vitin 2023 u është dhënë shkencëtarëve Katalin Kariko dhe Drew Weissman, të cilët krijuan teknologjinë mRNA e cila u përdor për krijimin e vaksinave të Covid. Teknologjia ishte në fazat eksperimentale përpara pandemisë, por tani është përdorur për miliona njerëz në mbarë botën për t’i mbrojtur ata nga Covid-19. E njëjta teknologji mRNA po hulumtohet për sëmundje të tjera, përfshirë kancerin.
Komiteti i Çmimit Nobel tha: “Laureatët kontribuan në zhvillimin e vaksinave gjatë një prej kërcënimeve më të mëdha për shëndetin e njeriut në kohët moderne”.
Vaksinat trajnojnë sistemin imunitar për të njohur dhe luftuar viruset ose bakteret. Gjatë pandemisë së Covid, vaksinat Moderna dhe Pfizer/BioNTech bazoheshin në teknologjinë mRNA.
Teknologjia mRNA i udhëzon qelizat në trup të prodhojnë proteina specifike. mRNA në thelb përdor trupin tonë dhe proceset biologjike për të trajtuar sëmundjet dhe për të parandaluar infeksionet.
BREAKING NEWS
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj
— The Nobel Prize (@NobelPrize) October 2, 2023