Të gjithë do ta dëshironim të kishim një lëkurë rrëzëllitëse, në mënyrë të vecantë kur vitet kalojnë.
Lajmi i mirë është se nuk duhet të presim verën për të rrëmbyer ndonjë rreze dielli por zgjidhjen mund ta gjejmë gjithashtu në dietën tonë ushqimore
Shkencëtarët kanë arritur në përfundimin se konsumimi i sasive të mjaftueshme të frutave dhe perimeve, është mënyra më e mirë për ti dhënë lëkurës, në mënyrë të shëndetshme, një shkëlqim të artë.
Ky fakt do të na bëjë gjithashtu edhe më atraktiv për seksin e kundërt.
Sipas studimeve të fundit mënyra më efektive për të përmirësuar ngjyrën e lëkurës ka të bëjë me konsumimin e sasive të bollshme të frutave dhe perimeve të larmishme.
Studime të ndryshme të realizuara nëpër disa nga universitetet më të mirë në botë tregojnë se, personat të cilët konsumojnë një numër më të madh porcionesh të frutave dhe perimeve në ditë, kanë një ngjyrë të lëkurës më të artë ( të verdhë gruri).
Kështu këta individë kanë prezencë më të lartë të karotenoideve, të cilat janë antioksidantë të verdhë dhe të kuq, që mendohet se luajnë një rol të rëndësishëm në sistemin imunitar dhe në fertilitet.
Karotenoidet gjenden zakonisht në fruta dhe perime të tilla, të cilësuara si “superushqimet” e lëkurës, ku mund të përfshijmë:
- Karrotat: Kur karrotat konsumohen rregullisht ( në mënyrë të moderuar sigurisht), lëkura merr një ngjyrë natyrale dhe një pamje të shëndetshme.
- Domatet, patatet e ëmbla dhe kajsitë: Sikundër karrotat, këto fruta dhe perime të pasura me karotenoide përveçse na pajisin me të gjitha pasuritë ushqyese që përmbajnë, përmirësojnë ngjyrën e lëkurës.
- Spinaqi dhe Kale: Perimet me ngjyrë jeshile të thellë duhet të jenë thelbësore në dietën tonë, sikurse edhe brokoli, pasi ato janë sekreti për një lëkurë që shkëlqen.
- Vaji i ullirit: Megjithëse vaji I ullirit nuk përmban karotenoide, ai I fal lëkurës hidratim dhe një pamje të shëndetshme.