Fibrat luajnë një rol të rëndësishëm në kontrollin e peshës trupore, falë efektit të tyre ngopës, në parandalimin e diabetit falë veprimit të ngadalësimit të përthithjes së sheqernave, dhe për rrjedhojë të stimulimit më të pakët të insulinës. Po ashtu ndikon në uljen e rrezikut për disa forma kanceri dhe patologji kardiovaskulare. Për më tepër, veçanërisht prania e fibrave të tretshme ushqen përbërësin e dobishëm të mikrobiotës së zorrëve, grupin e mikroorganizmave të pranishëm në veçanti në zorrën e trashë, të cilit i është atribuar një rol të rëndësishëm në ruajtjen e shëndetit të të gjithë organizmit.
A ËSHTË E PËRSHTATSHËM BUKA INTEGRALE PËR FËMIJËT?
Pikërisht për shkak të pranisë së fibrave, buka integrale është e mirë edhe për fëmijët, por nuk duhet të teproni me sasitë. Ndërsa për të rriturit rekomandohet rreth 30 g fibra në ditë, për fëmijët pas shkëputjes nga gjiri, sasia ditore e rekomanduar nga udhëzimet është 0.5 g për kg peshë trupore. Më pas mund të filloni me një bukë të përzier me drithëra ose me fara.
Buka integrale mund të futet më pas për shembull në mëngjes, me reçel frutash 100%. Versioni i shijshëm është një opsion i vlefshëm për një snack: me humus qiqrash, si sanduiç me djathë të freskët dhe domate, ose si brusketë me vaj ulliri ekstra të virgjër dhe rigon.
Shumëllojshmëria është gjithmonë një gjë e mirë kur bëhet fjalë për të ushqyerit!
Zgjidhni buke integrale dhe jo produkte te rafinuara! Por kujdes, cdo produkt i futur ne regjimin tone ushqimor ne menyre te pakontrolluar, ben dem! Gjithmone merni udhezimet nga mjeku nutricionist.