Në një intervistë për Women’s Health, Robbie tregoi se çfarë diete ndjek për super linjat e saj trupore! Rregulli numër një për të qëndruar në formë është të keni pak karbohidrate dhe asnjë ëmbëlsirë në menunë tuaj ditore.
“Për mëngjes në përgjithësi fokusohem te drithërat dhe një smoothie që rrit sistemin imunitar”, shpjegoi ajo. “Zakonisht kam sallatë pule për drekë dhe biftek, ton me patate të ëmbla për darkë”, shtoi më pas. Në fund të fundit, patatet e ëmbla konsiderohen si një nga karbohidratet më të mira për t’u konsumuar kur mbani dietë.
Aktorja tha gjithashtu se është e “fiksuar” pas çajit: i pëlqen shumë dhe e pi gjatë gjithë ditës, me avantazhin se ka zero kalori. Teksa pranoi se ndjek një dietë të ekuilibruar çdo ditë, aktorja nuk e fshehu faktin se “vdes” për hamburgerët me patate të skuqura, të shoqëruara më së miri me një birrë.
Nga pilates në tenis me miqtë
Sa i përket stërvitjes, Robbie tha se e ka gjetur stërvitjen ideale. “Fillova të praktikoj pilates kur mbërrita në Los Angeles dhe ndihem mirë pas stërvitjes. Seancat e boksit që ndoqa për t’u përgatitur për filmin “Suicide Squad” më dukeshin shumë argëtuese, por shpejt kuptova se nuk më pëlqente të ngrija pesha. Kur nuk më duhet të përgatitem për një rol, preferoj të bëj sporte që më pëlqejnë, si të shkoj në mësime kërcimi ose të luaj tenis me miqtë.”
Rituale të vogla të vogla, të shëndetshme
Në përgjithësi, Margot Robbie e di se mirëqenia e saj varet edhe nga gjumi i qetë. “Gjithmonë e kam pasur të vështirë të fle në fund të ditës, veçanërisht kur punoja”, thotë ajo. Për të zgjidhur këtë problem, ajo e ka zakon ta kthejë dhomën e saj në një vend të shenjtë dhe të ngrohtë: “Vendos një maskë për fytyrën, ndez qirinj aromatikë dhe muzikë relaksuese. Dhe nëse kam pasur një ditë veçanërisht të vështirë, bëj një banjë me shkumë dhe aromë ndërsa pi një birrë.”