Kokoshkat mund të ofrojnë lëndë ushqyese të ndryshme si fibra, vitamina dhe minerale.
Vlerat yshqyese të kokoshkave
Në përgjithësi, një filxhan kokoshka të pakripura, të skuqura me ajër, ka si më poshtë:
- Kalori: 30 kalori
- Yndyra: < 1 gram
- Kolesteroli: 0 miligram
- Natriumi: < 1 miligram
- Karbohidratet: 6.23 gram
- Fibra: 1.21 gram
- Proteina: < 1 gram
Përfitimet shëndetësore të kokoshkave
Drithërat integrale janë një burim i rëndësishëm i vitaminave, mineraleve dhe fibrave kryesore. Misri në veçanti përmban lëndë ushqyese si magnez, kalium dhe vitamina A, B dhe E.
Njerëzit që hanë kokoshka konsumojnë gjithashtu më shumë drithëra dhe fibra sesa individët që nuk hanë. Konsumatorët e kokoshkave mund të kenë gjithashtu një konsum total prej 12% të polifenoleve, të cilat janë përbërës që mund të kenë veti antioksiduese.
Për më tepër, hulumtimet sugjerojnë se marrja e drithërave të plota është e lidhur me më pak inflamacion dhe një rrezik më të ulët të disa gjendjeve shëndetësore:
- Sëmundje koronare të zemrës
- Diabeti
- Tensioni i lartë i gjakut
- Disa lloje kanceri
Ngrënia e drithërave të plota madje është lidhur me një indeks më të ulët të masës trupore (BMI) dhe më pak yndyrë në bark.
A janë kokoshkat e shëndetshme?
Kokoshkat, në formën e tyre bazë, mund të jenë të shëndetshme më vete. Një gjë që duhet të theksohet është madhësia e porcioneve. Madhësia e servirjes së kokoshkave është zakonisht tre deri në tre gota e gjysmë. Plus, natriumi shtesë mund të shkaktojë mbajtje të lëngjeve që shkakton fryrje.
Mësoni llojet e vajit
Vajra të ndryshëm mund të përdoren gjatë përgatitjes së kokoshkave, duke përfshirë vajrat që përmbajnë yndyrna të pangopura (MUFA).
MUFA-të konsiderohen si yndyrna të shëndetshme. Ato janë lidhur me zvogëlimin e rrezikut të problemeve të zemrës dhe menaxhimit të peshës. Vajrat MUFA përfshijnë:
- Vaj ulliri
- Vaj kanola
- Vaj kikiriku
- Vaji i shafranit
- Vaj susami
Kushtojini vëmendje erëzave
Erëza dhe shtesa të ndryshme përdoren gjithashtu për të shijuar kokoshkat. Në kokoshkat e paketuara, erëzat mund të jenë të thjeshta si kripa e detit dhe piper i zi. Përbërës të tjerë mund të përfshijnë përbërës të zakonshëm të qumështit, të tilla si gjalpi dhe djathi. Sidoqoftë, nëse i përgatisni vetë kokoshkat tuaja, mund të bëheni kreativ me shtesa të tjera si:
- Fruta të thata pa konservues
- Arra ose fara
- Erëza italiane ose çipotle
- Shafran i Indisë dhe piper i zi
- Kanellë dhe pluhur kakao
- Maja ushqyese
Përdorimi i këtyre shtesave mund të rrisë potencialisht sasinë e disa lëndëve ushqyese që konsumoni. Për shembull, arrat ose erëzat mund t’i shtojnë përmbajtjes së kokoshkave veti antioksidante. Gjithashtu, versioni i bërë në shtëpi ju lejon gjithashtu të kontrolloni sasinë e kripës që shtoni.
Përmbledhje
Kokoshkat mund të jenë një snack i shëndetshëm. Është një kokërr integrale, kështu që mund t’ju japë përfitime, të tilla si zvogëlimi i rrezikut të sëmundjeve kronike si diabeti. Sidoqoftë, cilësia ushqyese e kokoshkave mund të ndryshojë në mënyrë të konsiderueshme në varësi të përbërësve të përdorur për ta bërë atë. Ju mund të gjeni vlerë të shtuar ushqyese në vajrat, bulmetet dhe ushqimet e tjera, si frutat e thata ose kanella, që përdorni për kokoshkat tuaja.
Burimi: Health.com/Përktheu dhe përshtati në shqip për HealthMag: Judita Përndrecaj