Bllokimi i enëve të gjakut që furnizojnë nervin optik mund të çojë në verbëri dhe njerëzit me presion të lartë të gjakut, diabet ose kolesterol të lartë janë në rrezik. Infarkti i syrit ndodh kur enët e gjakut që furnizojnë nervin optik janë të bllokuara dhe njerëzit që kanë presion të lartë të gjakut, diabet ose kolesterol të lartë janë në rrezik. Para goditjes, pacientët ankohen për dhimbje në tëmth, humbje peshe dhe oreksi dhe dhimbje gjatë përtypjes.
Ndodh që personi të ketë vetëm një errësim pa dhimbje të syrit, por edhe atëherë është e rëndësishme që menjëherë të kërkoni ndihmë mjekësore. Ndryshimet në shikim mund të jenë të vogla në fillim, por përkeqësohen me kalimin e kohës. Përveç marrjes së anamnezës, mjeku do të kryejë edhe ekzaminimin e syve oftalmoskopi, angiografi me fluoresceinë dhe mundësisht tomografi koherence optike.
Nëse vendoset diagnoza e infarktit të syrit, si pjesë e terapisë mund të përdoret laseri, ilaçe që ulin presionin në sy ose shpërbëjnë mpiksjen e gjakut, si dhe masazh me syrin e mbyllur. Duhet ditur se ndryshimet në stilin e jetës janë gjithashtu të nevojshme për të ulur presionin e gjakut dhe kolesterolin, si dhe për të mbajtur nën kontroll të vazhdueshëm diabetin. Përndryshe, një përqindje e lartë e atyre që përjetojnë një infarkt të syrit, brenda tre viteve, me siguri do të pësojnë goditje edhe në syrin tjetër.
Mund të jetë gjithashtu një shenjë e një goditjeje në tru. Thonë që e ardhmja e një personi mund të shihet nga sytë e tij. Kjo thënie mund të marrë së shpejti konture reale dhe jo thjesht simbolike, pas një studimi të kryer nga kërkues të Universitetit të Edinburgut, që u prezantua në Konferencën e gjenetikes njerëzore në Vjenë. Sipas studimit, një vizitë okulistike mund të ndihmojë në përcaktimin e tendencës që një person ka për të shfaqur rrezikshmëri për infarkt.